Déi Woch virun Ouschteren hunn sech 3 Piloten vum LMCC, den Menn Martin, de Guy Stephany an den Marco Claus, ënnerstëtzt vum Mersch Jeff souwéi 2 befrëndt Piloten hei fir aus Däitschland op de Wee no Fiorano (I) gemach, wou si bei däer 7. Editioun vum Large Scale Fun Event deel geholl hunn.
Ronn 90 Piloten aus ganz Europa waren do, inklusiv dem 1/5 "Who is Who". D'Expert-Klass hätt och kënnten als Europameeschterschaft duerch goen...
Samschdes Moies hunn si sech an aller fréih op de Wee gemach, an no enger méi ustrengender Urees iwwert Zürech, vu Freides op Samschdes hat et jo nach geschneit, sinn si Samschdes Owes um Mini Autodromo Jody Scheckter zu Fiorano ukomm.
Well dee Weekend nach eng 1/8 Course do ausgedroën ginn ass, konnt Sondes nach net trainéiert ginn.
2022 Large Scale Fun Event VII
Vu Méindes bis Donnerschdes konnt dunn de ganzen Daag no belieben trainéiert ginn...
Owes ass entweder gemütlech gegrillt, oder sech am Restaurant mat gudder Pasta oder Pizza verwinnen gelooss ginn
Dunn ass vun deem fräien Daag profitéiert ginn... Moies an der Buvette konnten si den F1 GP vun Australien an der Buvette kucken.
Mëttes ass et dunn Richtung Museo FERRARI zu Maranello gangen, deen just 2 Kilometer vun der Modellpiste ewech ass.
Mini Autodromo Jody Scheckter
D'Ferrari Teststreck "Circuito di Fiorano" läit quasi direkt niewend der Modellpist.
Vu baussen ass leider net vill ze gesinn...
Dat ganz huet dann ganz schéin geschlaucht...
De ganzen Daag un der frëscher Loft sinn se net méi gewinnt ;-)
De Spass ass och net ze kuerz komm, an un der Verpflegung op der Piste war och näischt auszesetzen.
A bei summerlechen Temperaturen huet een sech baal wéi an der Vakanz gefillt...
"Like ice in the sunshine"...
Course gefuer ginn ass natirlech och... D'Resultater entspriechen leider net de méiglechen Performancen, si haten alt nees vill Pech.
